| Profilo¤¦‡¦ هـمــ س ــــات وئـ...FotoBlogElenchi |  Strumenti  Guida |
اتهبا يالدنماركي
.. ..............
۞ اتهبا يالدنماركي ۞
............. .....
.. فدوة ٍ للمصطفـى روحـي وماتملـك يمينـي كيف لا .. واللي خلقني حط حبه فـي كيانـي
حط حبـه فـي كيانـي ماتغيـره السنينـي انثني من دون عرضـه بالـذراع وباللسانـي
باللسان ادفع عنه واصـد كيـد المغرضيتـي والذراع اضرب على من مس عرضه بالسناني
ماني لوحدي ولكـن معـي كـل المسلمينـي واجـب ٍ هـذا علينـا فـي قسـا ولا ليانـي
النبـي اللـي جعلـه الله خيـر المرسلينـي جل من خصّه بفضـل ٍ ماعطـاه لمودمانـي
خير من يمشي على وجه الثرى فالعالمينـي الشفيع الهاشمي يوم الحشـر فضلـه يبانـي
في نهار ٍ تذهل المرضـع وترمـي بالجنينـي يمنحه ربي شفاعـه لامتـه قاصـي ودانـي
صاحب الوجه المنير وصاحب القلب الفطينـي الامانه مـن صفاتـه والتواضـع والحنانـي
دعوته خير الدعـاوى كلهـا حكمـه ولينـي ابتداها باهل بيتـه..... ثـم بينهـا بيانـي
كلفه ربي وقال اصدع بهـا فـي كـل حينـي من يطيعك طاعني واللي عصى لامرك عصاني
صدقـوه المؤمنيـن المخلصيـن الصادقينـي مثل ابو بكر وعلي في سر.... ولا في علاني
بعد ماشاف الاذيه من يسـار ومـن يمينـي اعلن الهجره وحان الوقت بعد الصبر حانـي
انطلق من وسط مكه داخلـه قلـب ٍ حزينـي ماعليه افـراق مكـه رغـم مالاقـاه هانـي
متجه صوب المدينه يدفعـه شـوق وحنينـي لهلها اللـي بايعـوه وقدمـوا كـل الامانـي
معه ابو بكر الصديق الصادق الرجل الامينـي صحبة ٍ ياطيبها ما ادرك شرفها شخص ثانـي
حين ماوصل المدينه اظهروا لـه منشدينـي مرحبا باللي لفانا مـن بعيـد الـدار عانـي
كل يقول انت عندي مسكنك في نـون عينـي يارسول الله تعـال فـداك روحـي والمكانـي
كرموه وناصروه وصـار لـه حـبّ ٍ مكينـي في قلوب اللي لهم في صفحة التاريخ شانـي
انصره ربي واعـز الديـن بالفتـح المبينـي ارتفع صـوت الاذان وكبـرت كـل المبانـي
من تمسك سنته ماخـاب فـي دنيـا ودينـي منهجه نـورٍ يدخلنـا مـع ابـواب الجنانـي
كيف يجرأ واحد يرسمـه بالرسـم المشينـي قبحه ربي وجعله من هـوان ٍ فـي هوانـي
اتهبـا يالدينمركـي ياللعيـن ابـن اللعينـي والله انـك ماتحقـق غايتـك ياهالجبـانـي
الشلل جعلـه يصيبـك فالرجـول وفاليدينـي ماتهنا في حياتك مـن كثـر منـت بتعانـي
من اجل تكـون عبـره للعلـوج الحاقدينـي لـو حنـا نعرفـك يـوم المواجـه ماتدانـي
انكشف حقد النصارى المشركين المجرمينـي والهدف تشويه هذا الدين مع طول الزمانـي
قاله الله في كتابه كل...... الامـه عارفينـي العـداوه ماتغيـر لـو نفـى كوفـي عنانـي
بس حنـا ماخلقنـا.... غيـر لله عابدينـي والشهاده في سبيله نعتبرها اغلـى الامانـي
ان دعـا داع الجهـاد نقـوم لله مسرعينـي من ولي الامـر مانقعـد نفكـر لـو ثوانـي
والسـلام اختـام يالله ياولـي الصالحيـنـي اغفر الزلات واحملنا علـى فعـل الحسانـي
..
الشـــــــــــــاعـر السـيــــــف
العـين مليانه ندم
.. ..............
۞ العـين مليانه ندم ۞
............. .....
..
العين مليانه ندم,,,تبكـي و هـي تتعبـرك,,, يومه تساوى بشهره,,,في هجركم دايم تحـس
بدوس قلبي بالقدم,,,و اصد عنك و اهجـرك,,, قلبن يبي من يهجره,,,يستاهـل انـه يندعـس
والقلب يشعر بالالم,,,بالغصب هو يتذكـرك,,, ومجبور يعطيك ظهره,,,و لغالي دمعاته حبـس
وده يخطط بالقلم,,,فوق الورق و يسطـرك,,, بدمه يعبي المحبره,,,و ما يساعده ضيق النفس
عطاك حبه ما علم,,,و صفق بكفينه وفـرك,,, توه دريبك تغدره,,,توه يصحصح مـن نعـس
..
الشـــــــــــــاعـر ساهر الليـل
شـف غــلاك
.. ..............
۞ شـف غــلاك ۞
............. .....
..
شف غلاك اللي تعدا كـل حـد شف غلا قلبي لقلبك يـا مـلاك
شف عيوني غيركم ما به احـد شف خفوقي ما ملاه احدن سواك
و كل مـا باقـي تملكتـه بعـد مثل حبي ما به احدن قد عطـاك
مثل حبي لك فـلا و الله وجـد و قلبي التعبان مغرم في غـلاك
يا عديل الروح يا وجه السعـد حبك اضماني و اهلكنـي هـلاك
لا ذكرتك كـل مـا فينـي بـرد ودي انسا عللي ادفا عن هـواك
ودي اقرب لك و ابابذل لك جهد ودي اروي زرع قلبن ما سـلاك
يا وفي العهد انا اوفيت العهـد لا تبيع اللي بعمره هـو شـراك
عجل اقرب ما بقا عنـدي جلـد انتهى صبري و فكري ما نساك
انتبه لي و التفت لـي لا تصـد من وجع ما احس ماتحمل جفاك
..
الشـــــــــــــاعـر ساهر الليـل
معــــــــذورهـ
.. ..............
۞ معــــــــذورهـ ۞
............. .....
..
يا غاليه لو تعرفين....اني احبـك هالكثـر.... ماكان قدمتي اعتذار....تدريـن انـي بعـذرك
يا غاليه قدرك كبير...اكبر من انواع العـذر... يكفيني انك صادقه...قلبـي لصدقـك عـاذرك
يا غاليه صدقك ترا...زودكي في عيني قـدر.. و قد لي خطا سابق عليك...بعفوك انا متذكرك
اذكر بانك سامحه...عن الخطا اللي قد بـدر... عفوك مخجلني كثير...مقدر انا انـي انكـرك
شايل لك بقلبي جميل..منساه انا طول العمر... و اليوم جا دوري ارد..على جميلـك بشكـرك
يا غاليه ما لي دخل..في ماضي اعوامن غبر... انسي و انا انسى كل شيء..مما اكن لخاطـرك
..
الشـــــــــــــاعـر ساهر الليـل
هيهاااااااااات
.. ..............
۞ هيهاااااااااات ۞
............. .....
..
انـا مناتـي اتبعـك ثـم القـاك.... يا من علـى قلبـي تزيـد القساتـي
يامن زرع دربي بدل ورده اشواك.... اتعبتنـي و اشقيـت هانـي حياتـي
تمشي بسرعه مقفيه عني خطاك.... و اضميتني امشي و يبسـت لهاتـي
اشقيتني امشي و انا اطلب رضاك.... و اسهرتني وعيفـت عينـي مباتـي
لو تاقف بلحظه انا عجلن انصـاك... .بعيش فـي قربـك اجمـع شتاتـي
واصيح باذنك ياحبيبي انا اهواك..... و اقول قلبـي يعشقـك يـا غناتـي
لو تطلب الغالي ابعطيك يفـداك...... و لو تطلب ايامي كتبـت الوصاتـي
و كل المطالب بس تشر بيمناك..... توصلـك لـو فيهـا دروب المماتـي
الا طلب واحد فلو مت ماجـاك...... كونك تقـول ابعـد فهيهـات ياتـي
..
الشـــــــــــــاعـر ساهر الليل
أحب الكلمة الحلوة
.. ..............
۞ أحب الكلمة الحلوة ۞
............. .....
..
احب الفن و الابداع و احب الكلمـه الحلـوه و اذا كان الشعر فضه كلامك من ذهب صافي
عرفت الفن من فنك و اغني كلمتـك غنـوه انا امسيت بي عله سمعته وصرت متعافـي
انا اعشق كل ما فيكم بلانـي حبكـم بلـوه خطفني من منامي اللي انا في مضجعه غافي
انا عاشق انا ولهان و حبك جـاوز الحـروه عمت عيني من دموعه و قلبك قاسين جافـي
عجزت الفت نظيرك لي و انا و اياك في خلوه تناظـر عينك لغيري لشوفي ناظـرك عافـي
حبيبي ليش تجفاني و انا ضميان لك بـروى و حرام انك تجافيني و انا لك بالغـلا وافـي
اشوفك بين خلق الله سنام الحـب و الـذروه انا اشوفك بهدنيـا لحالـك فـوق مشرافـي
انا شفي بقربك لي يفـوق المـال و الثـروه و حبك لي انا اشريه و غيره ما لي اهدافـي
..
الشـــــــــــــاعـر ساهر الليـل
هلا وغلا فيها
.. ..............
۞ هلا وغلا فيها ۞
............. .....
.. هلا باللي هواهها شد فكري و لخبط الافكـار هلا من قلب منهو فـي هواهـا ذاب خفاقـه
هلا باللي اذا شفتـه تبـدل ظلمتـي بانـوار هلا ترحيبة اللي هام فيهـا و زادت اشواقـه
هلا باللي سكن جوفي غلاها و شب قلبي نـار لهبها بالحشا كـاوي و بعـده نـار حراقـه
هلا باللي ابيح له كنينـي و ابـدي الاسـرار اهلي به و عيني تذرف الدمعه علـى فراقـه
هلا باللي اذا شفته وقفـت اناظـره محتـار يحيرنـي باوصـافـن يزينـهـا باخـلاقـه
اهلي به و ارحب كثر ما تدفق ميـاه انهـار عيوني تاقت لشوفه و روحي حيـل مشتاقـه
ارحب به تراحيب القفر في مزنـة الامطـار ظهر سيف المطر عقبه على شمسه باشراقه
غرس حبه على قلبي تشاكيلن مـن الازهـار و قلبي من بعد غرسه عرف طعم الحلا و ذاقه
حسن خدهه كما بدرن ظهر في تالي الاسحار تجلى بالسما صافي عقـب غيمـه و براقـه
..
الشـــــــــــــاعـر ساهر الليـل
ياشين غيبااااتك
.. ..............
۞ ياشين غيبااااتك ۞
............. .....
.. يا شين غيباتك...علـى خافقـي نـار... تحـرق حشـا منهـو يـودك و يغليـك
و يا شين غيباتك...و لو كانت قصار.... توقف عقـارب ساعتـي فـي حراويـك
خففـت جياتك...انـا فيـك محتـار... مدري شسوي لـك و اقـدم و اراضيـك
ضامي لشوفاتك...بعـدك علـي جـار... ودي اشوفـك و ارتـوي ثـم ارويــك
مشتاق همساتك...فـي ليلـي انـوار... ليتك تاشر لي و انا اركض و انا اجيـك
ودي بنظراتـك...و بتحـول الاقـدار... بسهر طوال الليل انا ادعي و انا ارجيـك
مفتـون بصفاتك...لـي فيـك انظـار... من يوم ما شفتـك فتنـت النظـر فيـك
ولعتنـي بذاتك...منـك الفكـر طـار... و اتعبتني خلفك و انا اصـرخ و اناديـك
ما اطيق صداتك...و لا اقبـل اعـذار... وش حجتـك و انـا احبـك و اداريــك
هجرك علي فاتك...يجرعنـي امـرار... ليتك تذوق اللي اذوقـه و انـا اشفيـك
سويت بي سواتك...و انا عامي اشوار... سويتهـا فينـي عـسـا الله يجـازيـك
..
الشـــــــــــــاعـر ساهر الليـل
على آخر رمق بالروح.. ..............
۞ على آخر رمق بالروح ۞
............. .....
.. ..
وصلت لبحرك الهادي على اخر رمق بالـروح وص لت لشاطي احلامك و اهاتـي مجاديفـي
ابي ارسي بمراسكم و اريح خافقي المجـروح وا عيش العمر يا عمري باحضانك على كيفـي
و اجدد عمري الماضي قضى نصفه بلا مصلوح و عشت العمر بالماضي بدونك حرن و صيفـي
و احس ان الربيع اقبل بقرب الغالي المملـوح و اشوف الشمس في وجهه تنور ليلن مخيفـي
انا جيتك ابي قربك و من دونك ابـد مـا اروح كف اني ما مضى ابحث عن احلام و تخاريفي
رسمتك صورتن حلوه وحطيت الحشا له لـوح و قلبي ينزف الوانـه رسـم اروع تواصيفـي
جلست العمر اغازلها قضت بي دمعتي و النوح اغاز ل صورتن فيها جمالن مـا بعـد شيفـي
وشفتك يا غلا روحي و جليتي ظلمتي بالضوح و شفت انك قرين الصورة اللي شفت بالطيفـي
حبيبي لا تحرك مركبي من شاطئـك مكسـوح تراه بيغـرق بقربـك علـى دروب التناكيفـي
....
الشـــــــــــــاعـر ساهر الليـل
دور قلبي.. ..............
۞ دور قلبي ۞
............. .....
..
انا محتار في امري افكر صبـح و مسيـان.... افكر وش عمل قلبي قبل عرفك يا اغـلا النـاس
احس انه قبل عرفك خفوقي نايمـن غرقـان.... و لاله بالحياة اعمال و لا به روح او احسـاس
مثل بيتن بهالصحرا تعشش فوقـه الغربـان.... ترك مهجور تصفق به رياح الوقت و النسنـاس
احس انه ثقيل الدم و لا له بالصدر مسكـان.... و انا اشوف البشر تهتم و لنبضه تقيس قيـاس
انا ما كنت افكر به و احسبه غافلن عميـان.... و هو واعي و انا الغافل يلاحظ ما غشاه نعـاس
يراقب كل من حوله يبي له مثلكـم سكـان.... و فتح لك بابه مشرع طرد منه الكدر و اليـاس
بحث بين البشر مهتم يدور داعـج الاعيـان.... و لقا عينك روى منها عروق من الضما يبـاس
و سكن قلبك المحبوب في جوفه و هو فرحان.... و ارسل لي انا نبضات لها نكهه تفيـق الـراس
ينبهني بسكناكم و دونـك صكـك البيبـان .... و يقول انه خلاص ارتاح و جا دوري انا انحاس
..
الشـــــــــــــاعـر ساهر الليل
أنا أحسب الناس تلبس مثلي
.. ..............
۞ أنا أحسب الناس تلبس مثلي ۞
............. .....
لبست مما تلبس النـاس وأيقنـت إن الـذي مكتـوب لا بـد يأتـي
وحزنت مما شفت فالناس واحزنت من شاف دمعي قال حانت وفاتـي
أنام بعض أحيان واحيان ما كنـت عز الله إني قلت ابا اكتب وصاتـي
ما ني بفاقد لي ولـد لا ولا بنـت ولانـي بفاقـد والدينـي غناتـي
ولا ني بفاقد لي صديقٍ له اعلنـت لكن حالـه عشتهـا فـي حياتـي
مصارع الدنيا تجينـا مـع النـت والوقت يسـرع والليـال انفلاتـي
والشيب غازيني وانا مـا تبينـت والعلم واضح واحضرو لي دواتـي
خلوني اكتب شي أنا فيـه دونـت خلوني اعرف ما حصل في القناتي
جاني خبر مزعج تيبسـت مالنـت فور السماع وفـور قالـو ثباتـي
أنا احسب أن الناس مثلي تمدنـت والناس تركض في علوم الوشاتـي
القال والقلقـال والقيـل والعنـت كل(ن) يقول افلان شين الصفاتـي
تجيه يضحك لك وليا اقفيت قال انت مسكين ما تعرف جبـال السراتـي
ما تعرف المحتال يذبحك لو كنـت فاهـم وقـاري قصـةٍ للزنـاتـي
حلوٍ كلامـه كالعسـل لـو تفننـت الغدر عنده مثـل نقـر الصلاتـي
شاورت لي نـاسٍ وقالـو تجننـت مجنون شكلـك عايـشٍ بالفلاتـي
ما كل من يضحك يقول انته احسنت وما كل من يزعل يجيب العصاتـي
في خاطري كلمه من الحزن كنكنت ولا ودي اطلعهـا يحيـن المماتـي
اقول .. لا ما قول لو قلـت بينـت لكن ابا اخفيها وعـذري سماتـي
الشـــــــــــــاعـر الحـســـــــــام
الله ياعـطر ترشه على الشال
.. ..............
۞ الله ياعـطر ترشه على الشال ۞
............. .....
الله يا عطـرٍ ترشـه علـى الشـال مـدري تصبـه صـب وإلا تشيـلـه
خلت حياتـي بيـن دمعـه وولـوال وتنهيـدة بالصـدر يـا هـي ثقيلـه
صديـت عنهـا لكـن القلـب ميـال يقطعـك يـا قلـب العنـا والفشيلـه
يا قلب لا تركض ورى طيف واخيـال اصبر ومـن يصبـر ينـال الفضيلـه
شربت من كاس الهوى ربـع فنجـال وشلون منهو شـرب حتـى الحثيلـه
راع الهوى يشرى العنـى دوم بريـال ما عاش مـن يشـري حيـاةٍ ذليلـه
تبنا إلـى المولـى ونرجيـه الاقبـال يا الله عسـى باقـي حياتـي جميلـه
والحمـد لله طايـع بكـل الأحــوال لكـن نشقـى بالحـيـاة الهزيـلـه
يا من تعـرض للمواقـف والأهـوال خلـك علـى دينـك وحـاذر بديلـه
وإن كنت تسمـع للشياطيـن تغتـال من تحـت الارجـل وانتبـه يالدليلـه
هذي علومي قلتهـا واعـرف الحـال دنيـا الزخـارف ظللتـنـا ظليـلـه
لكن اببعد عن شفـا جـرف مهيـال واصلي افروضـي واعـدي الطويلـه
بعض العرب ما له من العقـل مثقـال عقله غـدا مـا عـاد يلقـى قليلـه
راحـت حياتـه بيـن فـنٍ وجـوال ومكالمـات الليـل ياهـي طويـلـه
واللـي يكلمهـا مـن الحـب تكتـال كلمـه ورى كلمـه وهـذا حصيلـه
ومن الذنوب العبد مـا عـاد يشتـال نسى وراه المـوت وايضـا المهيلـه
وان كان تسمع قولتـي دوك الامثـال دنياك شمس تغيـب بأسـرع وسيلـه
احذر ادروب الغـي يـا طيـب الفـال خلك علـى خطـك وحـاذر مميلـه
وان شفت بعض الناس له بشت وعقال لا تمدحـه حتـى تجـرب حصيـلـه
الناس ما ترحم إليـا صـرت عيـال واليا وطـاك الوقـت خلـوك عيلـه
الشـــــــــــــاعـر الحـســـــــــام
عـندما يزعل الحـسام
.. ..............
۞ عـندما يزعل الحـسام ۞
............. .....
بان الجفا منكم ونـا قـد نسيتـه وبان الصدى بقلوبكم يا خسـاره
حاولت اقاوم جيشكم مـا قويتـه وحاولت اقاوم غارة بعـد غـاره
صافحتكم لكـن كسـري لقيتـه وجاملتكم لكن مـا مـن سفـاره
حاولت اجامل خاطري واحتويتـه وقلت الليال ابتعتدل مـن دمـاره
أنا عطيت وكـل وقتـي قضيتـه معكم وذقت الياس بعـد المـراره
اغيب عنكم ما حصل ما رجيتـه ما احد سأل عني ولا ش اعتباره
دخلت بالمشفى وقلبـي عطيتـه في خانة الأشعار يملاً استمـاره
ما همني بعض العرب لو جفيتـه وما همني بعض العرب في مساره
اقول يـا قلبـي وقلبـي شويتـه من فوق نار ولا لقيتوا صهـاره
أنا احسبني لـي مكـانٍ حويتـه واثري كما طيرٍ مضيـع مسـاره
قلبي يقول الناس مثلـك نويتـه والناس نيتهـا غطاهـا اغبـاره
ما تعرفون الحق بعـت وشريتـه بعت الحسد والحقد وايضا الحقاره
بعت الظنون وبعت شيء نفيتـه وبعت التمني يوم بـان اختبـاره
يا ناس والله هجركم مـا بغيتـه لكن مما بان لي صـرت شـاره
عرفت من قلبه عمى وإن رميته خله على عميـاه يمنـى يسـاره
هـذا كلامـي للجميـع امتليتـه ما خص فيه احدٍ وعلمي شـراره
لكن لي عتبى على اللي نصيتـه وليه عليكم حـق حـق الوقـاره
ولي شرهةٍ كبر الجبل لو رقيتـه على على اللي بالأصل كالمنـاره
والطيب ما ينسى ولو ما بغيتـه غصبٍ علي الطيب كامل عيـاره
احب أنا الطيب وقربـه شريتـه وابيع منهو باعني فـي قـراره
هذا حصيلي والجفى مـا قويتـه قلبي عصاني ودي اكسر ازراره
واقول لو قلب العنى ذاع صيتـه اركد وغادر ورتحل فـي نظـاره
واحفظ النفسك يا فتى الجود ميته ميتت شرف ما هي بميتة حقـاره
الشـــــــــــــاعـر الحـســـــــــام
قال الذي مع حوسة الفكر محتاس
.. ..............
۞ قال الذي مع حوسة الفكر محتاس ۞
............. .....
قال الذي مع حوسة الفكر محتـاس عيـا زمانـه يعتـدل بالتمـامـي
ازريت اميز كلمـةٍ بين(الأقـواس) جت من رفيقٍ له مكـان ومقامـي
بعض الكلام يجيب للقلب وسـواس كلمه بلا معنـى تجيـب الهيامـي
وبعض الكلام ايشتت العقل يا ناس لا صار من شخصٍ عليه الكلامـي
امسيت والخاطر تقل ضاربه مـاس وحمى على جسمي وباقي عظامـي
أنا بشر ما ني حجر ما له احساس كلمـه تسوينـي بقايـا ركـامـي
لو إن عندي بأس لا باس لا بـاس لكن بعض الحكي مثـل السهامـي
إن كان ما تربط كلامـك بالأنفـاس تفلت شـوارد واللسـان انهزامـي
اشره على الطيب يجي مثل الأنجاس واشره على الطيب يرافق خمامـي
كلمه تجي شينه ومن عامة النـاس ما هي مثل كلمة رفيـقٍ عصامـي
في هالزمان اللي غدا كله ابسـاس طير الرخم يختـال مثـل النعامـي
شبابنـا كـلٍ يناظـر لتكـسـاس مثل الغـراب اللـي يقلـد حمامـي
لا هو رقى للمجد به نرفع الـراس ولا هو خبير في علـوم السلامـي
لا جاك يلمع قلت يا زين قرطـاس وليـا عرفتـه قلـت وده اعدامـي
ودك تدوسه بالقدم عرض من داس حتى يعرف الحق وايضا النظامـي
ما اعم انا ناسٍ لها العلـم نبـراس اخـص نـاسٍ ضايعـه بالدحامـي
وآخر كلامي قلت أنا كنت محتـاس من ذا الزمان اللي يشيب الفطامـي
الشـــــــــــــاعـر الحـســــــــام
خواطر حسامية
.. ..............
۞ خواطر حسامية ۞
............. .....
يا الله يـا وهـاب يـا رب الأربـاب يـا موجـدٍ طـب القلـوب العليلـه
يا خالق الأفلاك يا محصـي الأمـلاك تكـف شـر النـاس حـالٍ وحيلـه
وترحـم فقيـرٍ ذاب قلبـه ولا تـاب وتبـدل السيـات يـا الله فضيـلـه
أنـا فقيـر أعمـال والقلـب ميـال قلبـي ضعيـف ولا يشيـل الثقيلـه
الذنـب يـا كثـره وعثـر بعـثـره لكـن مـا نـي ناسـي الله واخيلـه
امشي مع الشارع واشوف المصـارع واغض طرفي لكـن الوضـع عيلـه
احيان اشوف الناس ما فيهم احساس واحيان اقول الرجـل يسـوى قبيلـه
عنونت لـي اكتـاب عنـوان جـذاب وجلست اعدد فيه واعـرف حصيلـه
عددت مـا قدمـت واقبلـت واخـرت ولقيت نفسـي حـادرٍ مـع مسيلـه
لاني مع اهل الحلم والحكـم والعلـم ولانـي مـع الدجـه ولانـي هبيلـه
احيان اقول امسيت واحيـان ياليـت واحيان اقول انـي رقيـت الطويلـه
احس نفسي فـوق واقـول مطفـوق واقـول لا عـادي خيـال ومخيـلـه
أنا مع اهل الجـود والحبـل ممـدود اعرف اسلوم اهل الوجيـه الجميلـه
الطيـب قدمتـه وعـنـدي ثمـرتـه ما دام راسي حـي مـا هـي قليلـه
لا جاني اللافـي وهـو كـان حافـي يمشـي عزيـز ولا نــرده ذليـلـه
الناس فيهـم حـال والمـال هطـال المال مـا يبغـى المخـازن تشيلـه
الله عطاك الخير وانتـه معـه غيـر تظن مـا لـك جـاك فكـرٍ وحيلـه
مسكين يا غـاوي علومـك بـلاوي مـا كـل رجـالٍ يوصـف دليـلـه
بعض العرب لا جاك قال الله اغـواك يخلفك عـن درب السنـع والوسيلـه
يجيب لك معـذار مـع فكرتـه سـار غـاوي ولا احبـه عسـاه الغليـلـه
ما يعرف المعروف يمشي على الشوف نفسه تقوده والسنع مـا يجـي لـه
ترى الرجال افعال يـا طيـب الفـال لا تنكـر المـعـروف والله وكيـلـه
لله اقـدم خيـر لا غـيـر لا غـيـر النـاس مـا ترحـم اعلـومٍ فشيلـه
امشي مع اهل الطيب ما نذكر العيـب العيب عنـد اللـي يطـوي صميلـه
علمي مع البرهان والرجـل عنـوان ورجلٍ بلا عنـوان ضايـع حصيلـه
إن كان ما جاء خير يا طير يـا طيـر اكفـخ بجنحانـك ورزقـك تجيـلـه
لا تنسدح وتقول رزقي علـى طـول يا تي وانا نايـم .. اعلومـك هبيلـه
هذا كلامـي ليـش مـدري علامـي قلتـه وانـا عينـي بدمعـي كحيلـه
كلمه علـى الخاطـر بعدهـا قناطـر خواطـر تسـرح والاخـرى دخيلـه
وصلاة ربي دوم مـا طـار ويحـوم طير القميـري يـوم يصـدح هديلـه
علـى نبـي الديـن عـد الملاييـن شفيعنـا صلـو عليـه الـف ليلـه
الشـــــــــــــاعـر الحـســــــام
حـسافة جـيت متأخـر
.. ..............
۞ حـسافة جـيت متأخـر ۞
............. .....
..
حبيبي ياعساك بخير وش هي آخر اخبارك بعدك اليوم تذكرني جريح وكان مجنونـك
بعدك تخون ماتعرف تحب وتعزف اوتارك بعد للحين ماتقدر تحّّـس وتدمـع عيونـك
كسير وجيتني راجع تشيل القلب بيسـارك بعد ماكنت متّربع مابين الرمش وجفونـك
مشيت وكنت متوقع مصيرك تحرقك نـارك انا وايامي الحلوه وبعـدي عالـم يخونـك
تعبت امشي مع ايامك تعبت اصّدق اعذارك مع اني ماحسبت اني اعيش ايامي بدونـك
حبيبي رغم تعذيبك ورغم امـواج تيـارك عبرت الجرح وايامه عبرت الهم وشجونك
حبيبي ردّتك طيبة خفوقي وقسوة اقـدارك عشان تذوق ماذقته عشان تسّـدد ديونـك
حسافه جيت متأخر بعد ماطفيـت انـوارك بعد ماولفت جروحي عذاب الوقت وطعونك
حبيبي هاك اوراقك صورك ودفتر اشعارك وخلّي صورتي عندك حبيب وكان مفتونـك
..
الشـــــــــــــاعـر عبدالله الجهني
يموت قلبي ولاتموت الرجوله
.. ..............
۞ يموت قلبي ولاتموت الرجوله ۞
............. .....
..
جتني تقول ارجوك في خاطرك شي ان كان عندك مـن كلامـن تقولـه
ابسمعك لين الضمـا يكـره المّـي وارحل بعدهـا ياحبيـب الطفولـه
قلت المحبه قالـت ارجـوك مافّـي ماكـل شيئـن ياحبيبـي تنـولـه
تعبت احبك واحضن ايديـك بيّـدي تعبت امثّـل معـك دور البطولـه
وراحت وانا في موقفي ميّتن حّـي حاولت اسامح بس كانـت عجولـه
الله معـك ويـاك ياشمعـة الحـي باقي ملكتي القلب عرضه وطولـه
وان كان حبك كاوين خافقـي كّـي يموت قلبـي ولاتمـوت الرجولـه
وان كان جيتك بعدهاعاشقن عّـي شاعر يكّفـي مـن كلامـه فعولـه
عبدالله الّلي كان لك عاشقـن خّـي يكفيك من مـاراح هرجـه وقولـه
ياما انحرقت اشعل لك العاتمه ضّي من اجل عينن قلت اكرمـك دولـه
ياسيدي دام الهـوى معـك لاشـي احساس قلبي منت يازيـن حولـه
بمشي مع الرمضاء ومابطلبك فّـي يكفيك اخذت بداخل القلـب جولـه
خلاص قلبي طاوين صفحتك طّـي يومك قتلت الحب شخصـه وزولـه
..
الشـــــــــــــاعـر عبدالله الجهني
كـثر الله خـيرك
.. ..............
۞ كـثر الله خـيرك ۞
............. .....
..
انتي وضميرك قولي اللي تقوليـن يكفيني اسمـع مايقولـه ضميـرك
ان كـان ودّك ياحياتـي تروحيـن مسموح روحـي كثّـر الله خيـرك
ماني من اللي تتبع اخطـاه مقفيـن لو كان قلبي يحترق فـي سعيـرك
ادري حبيبي تفضح اشواقي العيـن وادري بعد مايسكن القلـب غيـرك
اليوم بعتي و باكـر ادري تبيعيـن خلاص يالله اطلقي اليـوم طيـرك
ارجوك مو ناقص من الوقت جرحين كم جرح كنت استنشقه من عبيـرك
باكر مصيـرك ياحياتـي تعرفيـن عبدالله اللّـي كـان قلبـه اسيـرك
ياحلوتي دامـك عجزتـي تحّبيـن خلاص روحي ولايهمّـك كسيـرك
وان كـان ودّك ياحياتـي ترّديـن باقي مكانك ماسكـن فيـه غيـرك
..
الشـــــــــــــاعـر عبدالله الجهني
خـلاص رايح
.. ..............
۞ خـلاص رايح ۞
............. .....
..
خلاص رايح مامضى منك كافـي تعبت اعيشك هم وجروح واحزان
مثلك ابد ماينعطـى قلـب وافـي لا واخسارة مامضالي من ازمـان
كنت احسبك لاخان وقتي لحافـي ماكنت اصدق فيك عـاذل وفتّـان
ياما سقيتك بالحشا حـب صافـي وياما رويت الخد من دمع الاوجان
وياما رجيتـك لاتزيـد التجافـي ماريد غير انك معي تصبح انسان
تركتنـي رحـال بيـن الفيافـي زهلتني يومـي اناديـك يافـلان
باكر حبيبي التقي صـدر دافـي ينسيني اللي مامضى منك ماكـان
يكفيك وقتـن ياعـذاب القوافـي عشته معك صادق ومغرم وهيمان
خلاص رايح مابقى شـي خافـي كذبه وعشناها حبايـب وخـلان
..
الشـــــــــــــاعـر عبدالله الجهني
جـرحي القديم
.. ..............
۞ جـرحي القديم ۞
............. .....
..
يعني خلاص اصبحت واحد من الناس واول حبيبـك دنيتـك كـل نـاسـك
من غير لاذنبن فعلته ...... ولابـاس غير اني حبيتـك وعلّيـت ساسـك
لا واحسافه ماحضنتي لـي احسـاس وماظن كنتي صادقه فـي احساسـك
كنتي بدرب الحـب قصيـرة انفـاس من قبـل ماتبـدي كتبتـي افلاسـك
طفله وترسم قلب في وسـط كـراس ماتعرفي ان الحب لو جـاك حاسـك
كم قلت لك هذا الهوى جرح وانفـاس قبل الهوى ليتـك وزنتـي قياسـك
ياما شربتي من خفوقي معي كـاس وكنتـي بخيلـه ماتمديـن كـاسـك
وياما انجبرت احني لك القلب والراس هذا مـع انـي رافعـن دوم راسـك
وياما سقيتي ايام عمري معك يـاس وانا زرعتك روح في وسـط ياسـك
وش عاد باقي غير حبرن وقرطـاس وذكرى جروحن ماتفـارق حواسـك
روحي وعديني مثـل باقـي النـاس عبدالله وكان بيوم هـو كـل ناسـك
..
الشـــــــــــــاعـر عبدالله الجهني
|
|
|
