..

..........

كيف تقسى القوارير

...........

....

وش عـاد باقـي يادمـوع الـمـودهـ

            وش عاد باقـي ياجـروح  المقاديـر

وش عاد باقي والبخـت طـال  صـدهـ

            وش عاد باقـي يالحظـوظ  المعاثيـر

الله مـن صـبـر تـجـاوز لـحـدهـ

            وقفى بعـد ضاقـت عليـه المعاذيـر

قفـى بعـد ماضـاق لارحـم جــدهـ

            قفى وليته قال اشوفـك علـى  خيـر

قفـى ولاهـو نـاوي لــي بــردهـ

            قفى وقدم لي عـن الوضـع  تقريـر

ودفنـت تقريـره بـثـوب المـخـدهـ

            وسجلت لاسمه في سجـل المشاهيـر

رحـل وانـا مابيـن شـدة وشــدهـ

            وخلا الهمـوم ببـاب قلبـي طوابيـر

وامسيت ادور شـيء منـه  استمـدهـ

            لو من خيـال فيـه بعـض التباشيـر

عـزاه يامـن جايـر الوقـت  ضـدهـ

            وعـزي لمن ضاعت حياتـه مشاويـر

بيـن الغـلا والشـوق للـي يــودهـ

            ونزف الجروح وبيـن بحـر التفاكيـر

عـلـى وليـف تـل قلبـي  وشــدهـ

            تـل الدلـي بكفـوف ورادة  البـيـر

الجـادل اللـي بالهـوى فـاح  نـدهـ

            حتـى تعطرتـه ومـن غيـر تبريـر

النـور كلـه والبهـاء ملـك خــدهـ

            وحكيه عسل .. لا ..والعسل فيه تزوير

اموووت به واحيـا وانـا ملـك يـدهـ

            واموت واعرف كيف تقسى .. القوارير

!!!!!

كيف تقسى القوارير

!!