..

..............

۞ اخذتي من الجمال ثلاث ارباع الكون !! ۞

.............

.....

يارمز الذوق والطيبه ,, يارمز الفن والابداع

                         حلـو محـلا القصـايـد يــوم تكتبـهـا وتلقيـهـا

صعيب القاف الى منه وقع بيـد ينهـا مطـواع

                         يطاوعـهـا عـلـى ماتشتهـيـه ويفتـخـر فـيـهـا

هنوف ٍ خصها ربي بزيـن الشكـل والاطبـاع

                         ياسعد اللي علـى المكشـوف بعيونـه يراعيهـا

خذتني في تغنجهـا وفيهـا مـن الجمـال انـواع

                         ياويل القلـب مـن ضحكاتهـا لاقمـت احاكيهـا

سوالفـهـا لـهـا لـــذّه وفـيـهـا للهوى مـربــاع

                         ابيع الناس من اجـل الكـلام الزيـن واشريهـا

غلاهـا مالـك ٍ عقلـي غديـت بقربـهـا طـمـاع

                         وفـي عينـي تـرى مافالبشـر وحــده تحاليـهـا

لها مبسم حمر وعيون فيهـن السحـر ووسـاع

                         وشعر اسود سوات الليل فوق المتـن كاسيهـا

جمال الكـون كلّـه ماخـذه منهـا ثـلاث اربـاع

                         تعالـى اللـي بكـل الحـسـن ميـزهـا ومعطيـهـا

خفوقـي لاذكـر بعـد المسافـه دونـهـا يـنـلاع

                         وكبـدي تحتـرق مـن بعـدهـا والعـيـن تبكيـهـا

بديت احلم

,,,,

بديت احلم

بديت احلم بها واكبر مصيبه كان حلمي ضاع

                         خسـاره كـان حلمـي ضــاع بأولـهـا وتاليـهـا

الشـــــــــــــاعـر

الـســــيــف

شاهد الموضوع الأصلي