..

..............

۞ ضـيّـقـت صدري ۞

.............

.....

اول بعرش القلب ما حدٍ  يساويـك

                 واليوم لاتزعل بعـد طـاح  قـدرك

مادام هذا منهجك وش نبـي  فيـك

                 ضيقت صدري ضيـق الله صـدرك

اترك غرورك وانتبه في مماشيـك

                 انصحك لاتعجل على حفـر  قبـرك

كنت امدحك وافرح بشوفك وطاريك

                 واليا طلبت اقول لك تحـت  امـرك

وكنت احسب انه مابه احد ٍ يحاليك

                 حتّى كشف لي غيب الايـام غـدرك

كم مرة ٍ تغلط واسامـح واداريـك

                 امسح جميع اخطاك واقبـل لعـذرك

ارخصتني وانا الذي كنت شاريـك

                 والان انا بعتك ورخّصـت  سعـرك

ابا انخلع من كل شـي ٍ  يطرّيـك

                 ولا بذكرك بالخير لا حـل  ذكـرك

تزعل بليّا شي مانيـب  مرضيـك

                 لاتحسب اني حاسب حساب هجـرك

ضيعت معروفي وضاعت هقاويـك

                 ولاني ملحقها النـدم يـوم اخسـرك

واصل طريقك جعل ربـي يهنيـك

                 و شف واحد ٍ غيري تحطه بأسـرك

الشـــــــــــــاعـر

الـســــيــف